.avif)
Is é Aontas na Mac Léinn, Coláiste na hOllscoile, Corcaigh, an príomhcomhlacht ionadaíoch ar son na mac léinn i gColáiste na hOllscoile, Corcaigh. Is eagraíocht dhaonlathach é Aontas na Mac Léinn atá faoi stiúir ag seisear oifigeach lánaimseartha atá tofa ag mic léinn. Is iad príomhfheidhmeanna an Aontais ná cúnamh acadúil a chur ar fáil do mhic léinn, tacaíocht a thabhairt do mhic léinn atá i ngátar, stocaireacht a dhéanamh ar an ollscoil agus ar an Rialtas maidir le fadhbanna atá ag cur isteach ar mhic léinn, agus siamsaíocht a chur ar fáil ar champas.
Tá seisear oifigeach ag obair go lánaimseartha, an tUachtarán, an tOifigeach Oideachais, an tOifigeach Leasa, an tOifigeach Cumarsáide agus Rannpháirtíochta, an tOifigeach Tráchtála agus Tiomsaithe Airgid agus an tOifigeach Siamsaíochta. Tá dualgas ar leith ag gach oifigeach lena gcúram féin agus oibríonn siad chun an tseirbhís is fearr is féidir a chur ar fáil agus an ionadaíocht is fearr is féidir a dhéanamh do mhic léinn.
Tá Aontas na Mac Léinn lonnaithe ag 54 Bóthar an Choláiste, díreach taobh thiar d’Áras Uí Rathaille, in aice le seomra caidrimh an Aontais. Bunaíodh an tAontas mar an t-aon eagraíocht ionadaíoch do mhic léinn i gColáiste na hOllscoile Corcaigh, i gcomhréir le cairt, le reachtanna agus le rialacháin Fhoras Rialaithe na hOllscoile. Is ball den Aontas iad gach mac léinn de thairbhe tobhach na mac léinn.
Tá ionadaí ag an Aontas ar choistí neamhspleácha (Coiste Gnó Chumann na gCumann agus Coiste Gnó na gClubanna) a dhéanann maoirseacht ar reáchtáil fhormhór na ngníomhaíochtaí seach-churaclaim do mhic léinn i gColáiste na hOllscoile, Corcaigh. Feidhmíonn Comhairle na Mac Léinn de chuid an Aontais mar Pharlaimint na Mac Léinn i gColáiste na hOllscoile, Corcaigh, agus déantar ionadaíocht ar mhic léinn ar choistí éagsúla lena n-áirítear Údarás Ceannais na hOllscoile, an Chomhairle Acadúil, agus go seachtrach in eagraíochtaí náisiúnta ar nós Aontas na Mac Léinn in Éirinn (AMLÉ).
Is foireann d’oifigigh thofa iad Coiste Gnó an Aontais a thacaíonn agus a dhéanann ionadaíocht ar son mhic léinn na hOllscoile.
Tá róil éagsúla ag an bhfoireann seo lena n-áirítear róil lánaimseartha an Uachtaráin, an Oifigigh Cumarsáide agus Rannpháirtíochta, an Oifigigh Oideachais, an Oifigigh Leasa, an Oifigigh Siamsaíochta, agus an Oifigigh Tráchtála agus Tiomsaithe Airgid, agus oibríonn siad gan stad gan staonadh chun a chinntiú go dtugtar aghaidh ar riachtanais agus spéiseanna na mac léinn. Cuimsíonn a gcuid freagrachtaí ó thacaíocht acadúil go leas, agus siamsaíocht campais a eagrú, ag cur béime ar thacair scileanna éagsúla agus tiomantas gach ball chun saol na mac léinn ag UCC a fheabhsú.
Toghtar ionadaithe ranga gach bliain chun ionadaíocht a dhéanamh ar do rang agus chun aird na léachtóirí a tharraingt ar fhadhbanna ar leith. Toghfar Ionadaithe Ranga agus Ionadaithe Siamsaíochta na bliana seo ar líne ar Canvas. Má tá aon cheist agat, téigh i dteagmháil leis na daoine seo a leanas:
An tOifigeach Oideachais: education@uccsu.ie
Ionadaí na hEolaíochta, na hInnealtóireachta agus na hEolaíochta Bia: sefs@uccsu.ie
Ionadaí an Leighis agus na Sláinte: medandhealthrep@uccsu.ie
Ionadaí na nEalaíon, an Léinn Cheiltigh agus na nEolaíochtaí Sóisialta: artsrep@uccsu.ie
Ionadaí an Ghnó agus an Dlí: blrep@uccsu.ie
Tá sé de fhreagracht ar an nGrúpa Oibre Comhionannais seasamh leis an gcomhionannas san Ollscoil agus é a chur chun cinn.
Is é an tIonadaí Comhionannais agus Éagsúlachta cathaoirleach an ghrúpa agus tá ionadaithe eile ann a sheasann do chearta mionlaigh agus don chomhionannas inár n-aontas.
Téarmaí Tagartha na Meithle um Chomhionannas
Is foireann iad an Criú Siamsaíochta a chabhraíonn leis an Oifigeach Siamsaíochta agus leis an Aontas le himeachtaí a eagrú, agus faigheann siad taithí phraiticiúil ar phleanáil imeachtaí agus cabhrú le gníomhaíochtaí.
Ní hamháin go bhfaigheann tú taithí luachmhar agus go mbíonn go leor craic agat ag an am céanna, ach bíonn go leor rudaí eile le fáil as chomh maith, mar shampla marsantas saor in aisce agus iontráil go himeachtaí.
Osclóidh an tOifigeach Siamsaíochta iarratais don Chriú Siamsaíochta i rith na bliana acadúla! Is féidir leat a bheith i d’Ionadaí Siamsaíochta Ranga chomh maith! Is féidir leat an deis seo a thapú chun ionadaíocht a dhéanamh ar do chomhscoláirí agus imeachtaí nuálacha, éagsúla, suimiúla agus spraíúla a eagrú don rang. Reáchtálfar toghcháin i do ranganna i mí Mheán Fómhair nó i mí Dheireadh Fómhair.
Má tá aon cheist nó moladh agat nó más mian leat comhrá a bheith agat, is féidir leat dul i dteagmháil leis an Oifigeach Siamsaíochta trí ríomhphost (ents@uccsu.ie), teileafón (0861842701) nó buail isteach sna hoifigí (54 Bóthar an Choláiste).
Is foireann iad an Criú Leasa a eagraíonn imeachtaí agus feachtais a bhaineann le Leas i rith na bliana.I measc na n-imeachtaí seo tá Shag Week, Seachtain Mheabhairshláinte srl.
Má tá aon cheist agat, cuir ríomhphost go: welfare@uccsu.ie.
Reáchtálann Aontas na Mac Léinn feachtais chun cabhrú le mic léinn a bheith gníomhach agus a bheith ar an eolas faoi fhadhbanna ar leith. Bíonn réimse leathan feachtais ar bun, idir fheachtais chun daoine a chur ar an eolas faoi alcól agus drugaí nó sláinte ghnéis agus meabhairshláinte, go feachtais faoi lóistín agus an costas maireachtála atá ag ardú. Bíonn an tOifigeach Cumarsáide agus Rannpháirtíochta ag lorg smaointe nua ó mhic léinn na hOllscoile maidir le feachtais an t-am ar fad. Dá mhéad feachtas a bhíonn ann is ea is fearr é.
Osclófar iarratais don Chriú Feachtasaíochta i rith na bliana acadúla! Is é an aidhm atá ag an gCriú Feachtasaíochta ná an rannpháirtíocht a chur chun cinn i measc mic léinn agus smaointe nua a spreagadh faoi fheachtais nua.
Má tá aon cheist agat, cuir ríomhphost go: engagement@uccsu.ie
